FSC täʹvvermiârkkliseʹnss

Jõs kaaupšak FSC-mieʹrǩǩuum ouddsid, FSC täʹvvermiârkkliseʹnss rääjj vueiʹtlviʹžžen, što vuäitak mušttled tõʹst markknâsttmõõžžâst, ouddmiârkkân ǩeittsin, kataloogin da neʹttseeidain, di põrggsâd vaʹstteemvuõttsaakkummšest.
FSC-ouddsid kaaupšeei põrggsest ij taarbâž leeʹd FSC-sertifiõsttum što vuäitt ââʹnned FSC bräänd markknâsttmõõžžstes. Forest Stewardship Council nõõm, vuänõõzz FSC leʹbe mij muõrrlogo âânnmõš markknâsttmõõžžâst da vaʹstteemvuõttsaakkummšest õõlǥat kuuitâǥ täʹvvermiârkkliseeʹns.

Nääiʹt tõt tåimm:
Täʹvvermiârk vuäitak ooccâd neʹttlomaakkin (lääddas) Logoaaʹššin vuäǯǯak miʹjjid õhttvuõđ neʹttpååʹšt pääiʹǩ še: logo@fi.fsc.org. 

Vieʹǩǩtep raʹvvjed, što ouddaz, koid haaʹlääk markknâʹstted, lie FSC-sertifiõsttum da što tõk puäʹtte FSC-sertifiõsttum täʹvvertååimteeʹjin. Ko täk ääʹšš lie puârast, tueʹjjeep suåppmõõžž. Ko leäk vuâllaǩeeʹrjtam suåppmõõžž määusak eeʹǩǩmääus. Tuu põõrǥâs vuäǯǯ liseʹnssnââmar (häämm FSC-N000000).
Täʹvvermiârkkliseeʹns vuäʹmsteeʹjen vuäǯǯak âânnmõʹšše logo da tääʹrǩes teâđ tõn âânnmõõžžâst. Ko plaanääk tuu markknâʹsttem-materiaal, vuõlttâd tõn miʹjjid priimmâmnalla. Vueiʹttep še õõutsââʹjest ideâʹstted miõlǩieʹssi naaʹlid ââʹnned FSC täʹvvermiârk põrggsad vuâkksaž nalla.