Kontrollerejuvvon muorra
FSC-sertifiserejuvvon materiála ii márkaniin leat vel doarvái oažžumis. Kontrollerejuvvon muora standárda lea gárgehuvvon čoavddusin dán váilevuhtii. Sertifiserejuvvon materiálii sáhttá sehkkejuvvot sertifiserekeahtes, muhto goittotge dihto unnimusgáibádusaid deavdán materiála – dárkilis kritearaiguin ja čavga bearráigehččojuvvon. Máŋggat muorravuđot buktagat sisttisdollet sárrasiid máŋgga sierra gálduin. Dákkár sehkkejuvvon materiálas ráhkaduvvon buvttadat leat merkejuvvon FSC Mix -mearkkain.
Álgovuođđogollosa standárda sisttisdoallá čavga njuolggadusaid das, mo ja man olu sáhttá sehkkejuvvot. Dat gáibida, ahte buot sertifiserekeahtes materiála galgá leat bearráigehččojuvvon ja dohkkehuvvon gálduin. Dán duođašteapmin geavahit kontrollerejuvvon muora standárdda.
FSC-merkejuvvon buktagiidda ii dohkkehuvvo muorra, mii lea:
- lágaheamet čuhppojuvvon
- vuolgán guovlluin, gos árbevirolaš rievttit ja siviilarievttit rihkkojuvvojit
- lea vuvddiin, gos vuovdegieđahallan uhkida alla suodjalanárvvuid
- lea guovlluin, main luondduvuovdi lea čuhppojuvvon muorraplantása dahje eará buhttejeaddji eanageavahanhámi ovddas
- genarievdaduvvon genaárbi.
FSC:a čohkkejuvvon našuvnnalaš riskaárvvoštallama galgá geavahit buot fitnodagain, mat háliidit skáhppot kontrollerejuvvon muorradávvira Suomas. Riska ii-dohkkehuvvon materiála ávkkástallamis galgá jávkaduvvot dahje dan galgá bastit vuolidit doarvái olu.
Kontrollerejuvvon muora standárda doaibmá maiddái iehčanassii, FSC-vuovdedikšuma standárdda láivvit vuovdedikšuma standárdan. Vuovddi sáhttá nappo sertifiseret kontrollerejuvvon muora standárddain. Kontrollerejuvvon muora guoskevaš ii sáhte buktit ovdan márkanastimis golaheaddjiide, iige buktagiidda sáhte merket máinnašumi FSC-kontrollerejuvvon muoras. Kontrollerejuvvon muorradávvira guoskevaš informašuvdna sirdašuvvá dušše fitnodagaid guoskevaš gulahallamis muora álgovuođu gávnnaheapmin. Kontrollerejuvvon muorra ávkkástallo dušše oassin FSC Mix -buvttadeamis.