FSC-dávvirmearkkat
FSC-mearka buktagis dáhkida, ahte dat sisttisdoallá ovddasvástáduslaš gálduin boahtán muora dahje eará meahcis boahtán materiála. Ná FSC fállá golaheaddjái vejolašvuođa válljet buktagiid, maid buvttadeamis leat vuhtiiváldojuvvon olbmot ja biras.
Mii FSC:s suddjet dávvirmearkamet, vai sáhttit dáhkidit, ahte lohpádus mearkka siste doallá. Suddjejuvvon namaid ja dávvirmearkkaid oažžu geavahit dušše njuolggadusaid mielde ja FSC-sertifiserema suovvan oktavuođain.
Dát leat min registrerejuvvon dávvirmearkkat:
- Namma Forest Stewardship Council
- Oanádus FSC
- FSC-logo dahje muorra man oktavuođas oanádus FSC
- Forests For All Forever -mearka mas logo ja teaksta
- Forests For All Forever -mearka mas logo, govva ja teaksta
FSC-mearka buktagiin
Vai sáhtát lasihit buktagii FSC-mearka, buvtta ferte sisttisdoallat sertifiserejuvvon materiála, ja du fitnodat galgá leat sertifiserejuvvon FSC álgovuođđoráiddu sertifiserema gáibádusaid mielde.
Loga lasi: Vihtta lávkki buktagiid sertifiseremii.
FSC-mearkka lasiha dan buvttadeaddji. Olles buvttadanráidu galgá leat sertifiserejuvvon.
FSC-mearka márkanastimis ja gulahallamis
Fitnodagat ja organisašuvnnat, mat eai ieš buvttat buktagiid muhto háliidit ávkkástallat FSC dávvirmearkkaid daid vuovdán FSC-buktagiid márkanastimis dahje organisašuvnna ovddasvástádusgulahallamis sáhttet ohcat FSC dávvirmearkaliseanssa.
FSC-mearka ii-gávppálaš ulbmiliin
Jos háliidat juohkit viidáseappot FSC-dieđu medias dahje diehtomateriálas, mas ii leat gávppálaš ulbmil, sáhtát geavahit FSC dávvirmearkka liseanssa haga. Dus galgá goittotge leat lohpi dan geavaheapmái. Lbi sáhtát jearrat FSC Suoma doaimmahagas: info@fi.fsc.org. Mii addit mielas logo dieđihanulbmiliidda ja oahpistit dan geavaheamis.
Dávvirmearka buktá ávkkiid márkanastimii ja ovddasvástádusgulahallamii
Jos vuovddat FSC-merkejuvvon buktagiid, FSC dávvirmearkaliseansa dahke vejolažžan dan, ahte sáhtát muitalit das márkanastimis, ovdamearkka dihtii reklámain, katalogain ja neahttasiidduin, ja du fitnodaga ovddasvástádusgulahallamis.
FSC-buktagiid vuovdán fitnodat ii dárbbaš leat FSC-sertifiserejuvvon vai sáhttá geavahit FSC brándda márkanastimis. Forest Stewardship Council nama, oanádusa FSC dahje min muorralogo geavaheapmi márkanastimis ja ovddasvástádusgulahallamis gáibida goittotge dávvirmearkaliseanssa.
Ná dat doaibmá:
Dávvirmearkka sáhtát ohcat neahttaskoviin (suomagillii). Logoáššiin oaččot midjiide oktavuođa maiddái šleađgapoastta bokte: logo@fi.fsc.org.
Mii veahkehat sihkkarastit, ahte buktagat, maid háliidat márkanastit, leat FSC-sertifiserejuvvon ja ahte dat bohtet FSC-sertifiserejuvvon dávvirdoaimmaheaddjis. Go dát áššit leat ortnegis, mii dahkat soahpamuša. Go vuolláičálát soahpamuša de mávssat jahkemávssu. Du fitnodat oažžu liseansanummira (hámis FSC-N000000).