Algâpuáttimkuállus sertifisistem (Chain of Custody, CoC)
Pyevtittâs rähtest kalga leđe algâpuáttimkuállus sertifikaat vâi pyevtittâsâst puáhtá leđe FSC-merkkâ. Algâpuáttimkuállus sertifisistmáin pyevtittâs puáhtá kuorrâđ FSC-sertifisistum vuávdán. Kuállus jyehi tuáimee kalga leđe sertifisistum, vâi algâpuáttim puáhtá visásmittiđ lyetittettee vuovvijn.
FSC-sertifisistum irâttâsah kalgeh:
• rähtiđ já paijeentoollâđ algâpuáttimkuállus haldâšemvuáháduv, moin visásmittoo sertifikaat olášum irâttâs keevâtlijn tooimâin;
• paijeentoollâđ ääigitásásii tiätuvuáđu FSC-kálvutoimâtmijnis;
• toollâđ FSC-sertifisistum já sertifisisthánnáá amnâs sierâ;
• toollâđ kirje jieijâs FSC-pyevtitmist;
• kirjettiđ FSC-pyevtittem uási vyebdimdokumentijd já kevttiđ FSC-kálvumeerhâ olmânáál;
• čuávvuđ muorâkálvukäävpi laavâid já asâttâsâid (kei FSC já EU muorâkálvukävppiasâttâs) sehe
• čuávvuđ pargoeellim vuáđuvuoigâdvuođâid.
Algâpuáttimkuállus haldâšemvuáhádâh siskeeld:
• FSC-ovdâsvástádâsulmuu nomâttem
• valdâlem irâttâs toimâmvuovijn sertifikaat vatâmušâi tevdim várás
• jyehi tooimâ ovdâsvástádâsulmuu miäruštâllâm
• pargovievâ škovlim sertifikaat vaattâm vuáválâšvuođâin
• ääigitásásii reekkigtuálu já dokumentaatio algâpuáttimkuállus standard luávdim aašijn
Lasetiäđuh (eŋgâlâškielân) láá algâpuáttimkuállus standardist. Sertifisistemorganisaatioh já FSC Suomâ rävvejeh meiddei algâpuáttimkuállus sertifisistmist.
Jiešmerideijee sertifisistemorganisaatio adai auditistee täärhist, tiävdá-uv irâttâs FSC-standard vatâmušâid. Auditistee árvuštâl haldâšemvuáháduv já ton heiviittem. Auditistee árvuštâl meiddei, lii-uv riskâ, ete FSC-amnâseh siävuttuvvojeh taggaar amnâsáid, moh sertifisistum pyevtittâsâst iä uážu leđe.
Ko sun lii tutkâm taid aašijd, auditistee ráhtá almolii tärhistemraapoort já mieđeet sertifikaat, jis vatâmušah olášuveh. Auditistee almoot sertifikaat vyeimistorroom já čuávvumauditistmij äigikooskâ.
Auditistee rävvee meiddei FSC-meerhâ kevttimist pyevtittâsâin já markkânistmist já kocá kevttim. Jis irâttâs ij pyevtit jieš FSC-sertifisistum pyevtittâs, peic haalijd tuše kevttiđ FSC-kálvumeerhâ markkânistmist já viestâdmist, tot kalga uuccâđ kálvumerkkâliiseens.
Luuvâ lase: Vittâ läävhi pyevtittâsâi sertifisistmân
Luuvâ meiddei: Vyevdisertifisistem
Luuvâ meiddei: Kontrollistum muorâ
Vittâ läävhi pyevtittâsâi sertifisistmân
FSC-sertifisistem meerhâš tom, ete pyevtittâs rähtim já kieđâvuššâm puáhtá tuođâštiđ tiätu standard mield. Potkânmettumis sertifisistemkuálus täähid, ete FSC-merháin merkkejum pyevtittâs lii puáttám FSC-standard mield tipšum vyevdist. Sertifisistem čođâldit jiečânâs sertifisistemorganisaatio.
Taat sijđo muštâl algâpuáttimkuállus sertifisistmist. Tääbbin kaavnah lasetiäđuid vyevdisertifisistmist.
Vittâ läävhi
1. Vääldi ohtâvuođâ sertifisistemorganisaation
Vääldi ohtâvuođâ oovtâ tâi maaŋgâ sertifisistemorganisaation adai auditistei – organisaatio kalga leđe tuhhiittum sertifisistiđ FSC mield. Addel almoskejâstuv jieijâd irâttâsâst. Auditistee taarbâš tiäđu vâi tot puáhtá toohâđ koloreekkig já sopâmušiävtuttâs. Čääli sopâmuš vuálá tuu valjim auditistein.
2. Valmâštâl sertifisistem
Tun koolgah uápásmiđ standard vatâmuššáid. Kaavnah tiäđuid algâpuáttimkuállus sertifisistmist já algâpuáttimkuállus standard pirrâ mii nettisiijđoin (eŋgâlâškielân). Tun koolgah eereeb iärrás rähtiđ vuáválâšvuođâid, moiguin visásmittiđ, ete standard njuolgâdusah čuávvojeh tuu irâttâsâst.
3. Auditistem
Ko puoh lii oornigist, sertifisistemorganisaatio täärhist, tiävdá-uv irâttâs standard miäldásijd vatâmušâid. Auditistmist tärhistuvvojeh sehe äššikirjeh já jieš toimâm.
4. Raportistem
Auditistee ráhtá auditistmist almolii raapoort. Raapoort čáittá, maht auditistee árvuštâl irâttâs naavcâid čuávvuđ standard. Jis láá ääših, maid irâttâsâst kalga vala mutteđ, tarbâšlijd tivomijd puáhtá toohâđ já pivdeđ tastoo uđđâ auditistem.
5. Sertifikaat
Ko auditistee kiäččá, ete tuu irâttâs tiävdá standard vatâmušâid, tuu irâttâsân mieđettuvvoo FSC-sertifikaat já tun uážuh vuoigâdvuođâ kevttiđ FSC logo ovdâmerkkân irâttâs vyebdimist, markkânistmist sehe ovdâsvástádâslâšvuotâviestâdmist.
FSC-sertifikaat lii vyeimist vittâ ive häävild. Taan ääigi tahhojeh ihásiih täärhistmeh. Tai ruutiintäärhistmij ooleest čuávvojeh máhđuliih toimâmist tohhum huámášutmeh tâi vaiduuh. Eromâštäärhistmijd puáhtá tarbâšiđ, jis sertifisistee uážžu tuođâlijd huámášutmijd tast, ete tun hárjuttah irâttâstooimâd FSC miärádâsâi vuástá. Auditistee tuálá tuu meiddei ääigi tääsist FSC-standardij piäivádâsâin.
FSC kálvumerkkâ tobdoo pirrâ maailm, já tot lii meiddei ohtâ enâmus luottum ovdâsvástádâslâšvuotâmeerhâin. Sertifikaat haldâšeijest láá maaŋgâpiäláliih máhđulâšvuođah ávhástâllâđ kálvumerháin. Luuvâ lase kálvumeerhâ kevttimist tääbbin.
Suomâst tuáimee sertifisistemorganisaatioh
Suomâst láá maaŋgah sertifisistemorganisaatioh adai auditisteeh, moh fäälih FSC algâpuáttimkuállus sertifisistem (Chain of Custody, CoC). Jis tun halijdah sertifisistiđ jieijâd irâttâs FSC-standard mield, tun ferttiih kevttiđ FSC tuhhiittem sertifisistemirâttâs. Vuoluubeln kaavnah listo tuhhiittum Suomâst tuáimee irâttâsâin.
Bureau Veritas Certification (BV)
Sörnäisten rantatie 29
00500 Helsig
+358 (0)10 830 8630
sertifiointi@bureauveritas.com
DNV GL Business Assurance Finland Oy Ab
Keilasatama 5
02150 Espoo
+358 (0)10 2924200
certification.finland@dnvgl.com
GFA Certification GmbH (GFA)
Eulenkrugstraße 82
22359 Hamburg
GERMANY
+49 40 6030 6141
info@gfa-certification.de
Inspecta Sertifiointi Oy (INS)
PL 113
00181 Helsig
Puh: 010 521 600
Faksi: 010 521 6211
fi.asiakaspalvelu@kiwa.com
Timo.Soininen@kiwa.com
NEPCon
Guldsmedgade 34, 1
8000 Århus
DENMARK
Kent Skovgaard
+45 31565927 l +45 86180866
ksk@nepcon.net
SCS Global Services
Kalevantie 2
33100 Tampere
+358 40 159 2001
info.fi@bmcertification.com
SGS South Africa (Pty) Ltd. (SGS)
58 Melville Road, Booysen, South Africa
PO Box 82582, Southdale, 2135 South Africa
+27 (0)11 6812500
Andreas.Renofalt@sgs.com
Soil Association Woodmark (SA)
South Plaza, Marlborough Street
Bristol, BS1 3NX
United Kingdom
+4520119582
kaki@orbicon.dk