FSC-kálvumeerhah
FSC-merkkâ pyevtittâsâst täähid, ete tot siskeeld ovdâsvástádâslijd käldein puáttee muorâ tâi eres vyevdialgâlii amnâs. Návt FSC fáálá kulâtteijeid máhđulâšvuođâ valjiđ pyevtittâsâid, moi pyevtitmist láá váldám ulmuid já pirrâs huámášumán.
Mij FSC:st suoijip jieččân kálvumeerhâid, vâi pyehtip tähidiđ, ete meerkân kullee lopádâs tuálloo. Syeijejum noomâid já kálvumeerhâid uážžu kevttiđ tuše njuolgâdusâi mield já FSC-sertifisistem suovvâm ohtâvuođâin.
Taah láá mii registeristum kálvumeerhah:
• Nommâ Forest Stewardship Council
• Uánádâs FSC
• FSC-logo adai muorâ, mon ooleest uánádâs FSC
• Forests For All Forever -merkkâ logoin já tevstáin
• Forests For All Forever -merkkâ logoin, kuvvijn já tevstáin
FSC-merkkâ pyevtittâsâin
Pyevtittâs kalga siskeldiđ FSC-sertifisistum amnâs já tuu irâttâs kalga leđe sertifisistum FSC algâpuáttimkuállus sertifisistem vatâmušâi miäldásávt vâi puávtáh lasettiđ pyevtittâsân FSC-meerhâ.
Luuvâ lase: Vittâ läävhi pyevtittâsâi sertifisistmân.
FSC-meerhâ lasseet pyevtittâsân ton rähtee. Oles pyevtittemkuálus kalga leđe sertifisistum.
FSC-merkkâ markkânistmist já viestâdmist
Irâttâsah já ornijdumeh, moh iä jiejah pyevtit pyevtittâsâid mutâ halijdeh ávhástâllâđ FSC kálvumeerhâid sii vyebdim FSC-pyevtittâsâi markkânistmist tâi ornijdume ovdâsvástádâslâšvuotâviestâdmist pyehtih uuccâđ FSC kálvumerkkâliiseens.
FSC-merkkâ ij-kávpálijn uulmijn
Jis halijdah sirdeđ FSC-tiäđu mediast tâi tiätumaterialist, mast ij lah kávpálâš ulme, puávtáh kevttiđ FSC kálvumeerhâ liiseensttáá. Tun koolgah kuittâg koijâdiđ love kevttimân. Puávtáh koijâdiđ love FSC Suomâ toimâttuvâst: info@fi.fsc.org Mij adelep aainâs logo tieđettemuulmijd já uápistep ton kevttimân.
FSC kálvumerkkâliiseens
FSC-pyevtittâsâid vyebdee irâttâs ij taarbâš leđe FSC-sertifisistum vâi tot puáhtá kevttiđ FSC brändi jieijâs markkânistmist. Forest Stewardship Council noomâ, uánádâs FSC tâi mii muorâlogo kevttim markkânistmist já ovdâsvástádâslâšvuotâviestâdmist váátá kuittâg kálvumerkkâliiseens.
Návt tot tuáimá:
Kálvumeerhâ puáhtá uuccâđ viermiluámáttuvváin (suomâkielân). Logoaašijn tun uážuh miiguin ohtâvuođâ meiddei šleđgâpostáin: logo@fi.fsc.org.
Mij išedep visásmittiđ, ete pyevtittâsah, maid tun halijdah markkânistiđ, láá FSC-sertifisistum já ete toh puátih FSC-sertifisistum kálvutoimâtteijest. Ko taah ääših láá oornigist, mij toohâp sopâmuš. Talle ko lah vuáláčáállám sopâmuš, máávsáh ihemáávsu. Tuu irâttâs uážžu liiseensnummeer (häämist FSC-N000000).
Kálvumerkkâliiseens haldâšeijen tun uážuh logo kiävttusâd já tärhis tiäđuid ton kevttimist. Ko tun vuávááh jieijâd markkânistemmateriaal, vuolgât tom mijjân tuhhiittemnáál. Mij pyehtip meiddei oovtâst smiettâđ mielâkiddiiváid vuovijd anneeđ FSC kálvumeerhâ tuu irâttâs lágán vuovvijn.