Álgovuođđoráiddu sertifiseren (Chain of Custody, CoC)

Vai buktagis sáhttá leat FSC-mearka, galgá dan buvttadeaddjis leat álgovuođđoráiddu sertifiseren. Álgovuođđoráiddu sertifiseremiin guorrat buktaga FSC-sertifiserejuvvon vuovdái. Juohke okta ráiddu doaibmi galgá leat sertifiserejuvvon, vai álgovuođu sáhttá luohtehahtti vugiin sihkkarastit

FSC Mixed sources

FSC-sertifiserejuvvon fitnodagaid galgá:

  • dahkat ja bajásdoallat álgovuođđoráiddu hálddašanvuogádaga, mainna sihkkarastit sertifikáhta ollašuvvama fitnodaga geavatlaš doaimmas;
  • bajásdoallat áigeguovdilis diehtovuođu FSC-dávvirdoaimmahemiin;
  • doallat sierra FSC-sertifiserejuvvon materiála ja materiála mii ii leat sertifiserejuvvon;
  • čállit merkemiid iežas FSC-buvttadeamis;
  • girjet FSC-buvttadeami ossodaga vuovdindokumeanttaide ja geavahit FSC-dávvirmearkka riekta;
  • čuovvut muorradávvirgávppi lágaid ja ásahusaid (geahča FSC ja EU muorradávvirgávpi-ásahus) ja
  • čuovvut bargoeallima vuođđovuoigatvuođaid.

Álgovuođđoráiddu hálddašanvuogádat sisttisdoallá:

  • FSC-ovddasvástádusolbmo nammadeami
  • govvádusa fitnodaga doaibmanvugiin sertifikáhta gáibádusaid deavdimii
  • guhtege doaimma ovddasvástádusolbmo meroštallama
  • bargoveaga skuvlema sertifikáhta gáibidan meannudanvugiin
  • áigeguovdilis girjedoalu ja dokumenterema álgovuođđoráiddu standárdda gokčan áššiin

Lassedieđut (eaŋgalasgillii) leat álgovuođđoráiddu standárddas. Sertifiserenorganisašuvnnat ja FSC Suopma rávvejit maiddái álgovuođđoráiddu sertifiseremis.

Sorjjasmeahttun sertifiserenorganisašuvdna dahje auditerejeaddji dárkkista, deavdágo fitnodat FSC-standárdda gáibádusaid. Auditerejeaddji árvvoštallá hálddašanvuogádaga ja dan heiveheami. Auditerejeaddji árvvoštallá maiddái, leago riska, ahte FSC-materiálat seaguhuvvojit dakkár materiálaide, mat sertifiserejuvvon buktagis eai oaččo leat.

Go auditerejeaddji manná čađa dáid áššiid, dat gárvvista almmolaš dárkkistanraportta ja mieđiha sertifikáhta, jus gáibádusat ollašuvvet. Auditerejeaddji almmuha sertifikáhta fápmoáiggi ja man dávjá leat čuovvunauditeremat.

Auditerejeaddji rávve maiddái FSC-mearkka geavaheamis buktagiin ja vuovdaleamis ja bearráigeahččá geavaheami. Juos fitnodat ii ieš buvttat FSC-sertifiserejuvvon buktaga, muhto háliida dušše beare geavahit FSC-dávvirmearkka vuovdaleamis ja gulahallamis, dat ferte ohcat dávvirmearkaliseanssa.

 

Loga maiddái: Vuovdesertifiseren

Loga maiddái: Kontrollerejuvvon muorra

Vihtta lávkki buktaga sertifiseremii

FSC-sertifiseren oaivvilda, ahte bastit duođaštit buktaga ráhkadeami ja gieđahallama sihto standárdda mielde. Boatkatmeahttun sertifiserengoalus dáhkida, ahte buvtta FSC-mearkkain lea boahtán FSC-standárdda mielde dikšojuvvon vuovddis. Sertifiserema čađaha sorjjasmeahttun sertifiserenorganisašuvdna. Dát siidu muitala álgovuođđogollosa sertifiseremis. Vuovdesertifiseremis gávnnat lassedieđuid dáppe.

Vihtta lávkki

1. Váldde oktavuođa sertifiserenorganisašuvdnii

Váldde oktavuođa ovtta dahje máŋgga sertifiserenorganisašuvdnii dahjege auditerejeaddjái – organisašuvdna galgá leat dohkkehuvvon sertifiseret FSC:a mielde. Atte oppalašgovvádusa du fitnodagas. Auditerejeaddji dárbbaša dieđu vai sáhttá dahkat goasttádusrehkenastima ja soahpamuševttohusa. Vuolláičále soahpamuša du válljen auditerejeaddjiin.

2. Válmmaštala sertifiserema

Galggat oahpásmuvvat standárdda gáibádusaide. Diehtu álgovuođđogollosa sertifiseremis lea min neahttasiidduin ja álgovuođđogollosa standárddas (eŋgelasgillii). Don galggat earret eará dahkat geavadagaid, maiguin sihkkarasto, ahte standárdda njuolggadusat čuvvojuvvojit du fitnodagas.

3. Auditeren

Go buot lea ortnegis, sertifiserenorganisašuvdna dárkkista, deavdágo fitnodat standárddas oaivvilduvvon gáibádusaid. Auditeremis dárkkistuvvojit sihke áššegirjjit ja ieš doaibma.

4. Raporteren

Auditerejeaddji gárvvista almmolaš raportta. Raporta čujuha, mo auditerejeaddji árvvoštallá fitnodaga attáldaga čuovvut standárdda. Jus leat áššit, maid fitnodagas galgá vel ovddidit, de dárbbašlaš nuppástusaid sáhttá dahkat ja dasto bivdit ođđa auditerema.

5. Sertifikáhta

Go auditerejeaddji oaidná, ahte du fitnodat deavdá standárdda gáibádusaid, fitnodahkii mieđihuvvo FSC-sertifikáhta ja oaččot rievtti ávkkástallat FSC:a logo ovdamearkan fitnodaga vuovdimiin, márkanastimis ja vásttolašvuođagulahallamis.

FSC-sertifikáhta lea fámus vihtta jagi háválassii. Dán áigge dahket jahkásaš dárkkistemiid. Dáid rutiidnadárkkistusaid oktavuođas čuovvut vejolaš doaimmas dahkkojuvvon fuomášahttimiid dahje váidagiid. Sierradárkkistusaid sáhttá dárbbašit, jus sertifiserejuvvon doaibmi oažžu duođalaš fuomášuhttimiid das, ahte hárjeha fitnodatdoaimma FSC:a mearrádusaid vuostá. Auditerejeaddji maiddái fuolaha, ahte leat áigedásis FSC-standárdda beaivádemiin.

FSC:a dávvirmearka lea dovddus miehtá máilmmi, ja dat lea maiddái okta eanemus luohtehahtti vásttolašvuođamearkkain. Sertifikáhta hálddašeaddjis leat máŋggabealat vejolašvuođat ávkkástallat dávvirmearkka. Loga lasi dávvirmearkka ávkkástallamis dáppe.

Suomas doaibman sertifiserenorganisašuvnnat

Suomas leat máŋggat sertifiserenorganisašuvnnat dahje auditerejeaddjit, mat fállet FSC álgovuođđoráiddu sertifiserema (Chain of Custody, CoC). Jos háliidat sertifiseret du fitnodaga FSC-standárdda mielde, don galggat geavahit FSC dohkkehan sertifiserenfitnodaga. Vulobealde gávnnat logahallama dohkkehuvvon Suomas doaibman fitnodagain.

Bureau Veritas Certification (BV)
Sörnäisten rantatie 29
00500 Helsinki
+358 (0)10 830 8630
sertifiointi@bureauveritas.com

DNV GL Business Assurance Finland Oy Ab
Keilasatama 5
02150 Espoo
+358 (0)10 2924200
certification.finland@dnvgl.com

GFA Certification GmbH (GFA)
Eulenkrugstraße 82
22359 Hamburg
GERMANY
+49 40 6030 6141
info@gfa-certification.de

Inspecta Sertifiointi Oy (INS)
PL 113
00181 Helsinki
Tel: 010 521 600
Fáksa: 010 521 6211
fi.asiakaspalvelu@kiwa.com
Timo.Soininen@kiwa.com

NEPCon
Guldsmedgade 34, 1
8000 Århus
DENMARK
Kent Skovgaard,
+45 31565927 l +45 86180866
ksk@nepcon.net

SCS Global Services
Kalevantie 2
33100 Tampere
+358 40 159 2001
info.fi@bmcertification.com

SGS South Africa (Pty) Ltd. (SGS)
58 Melville Road, Booysen, South Africa
PO Box 82582, Southdale, 2135 South Africa
+27 (0)11 6812500
Andreas.Renofalt@sgs.com

Soil Association Woodmark (SA)
South Plaza, Marlborough Street
Bristol, BS1 3NX
United Kingdom
+4520119582
kaki@orbicon.dk