Kontrollõsttum muõrr

FSC-sertifiõsttum materiaal ij leäkku võl dovoʹlna vuäǯǯamnalla markknin. Kontrollõsttum muõr standardd lij rajjum räʹtǩǩummšen tän vaiggâdvuõʹtte. Sertifiõsttum materiaaʹle vueiʹtet seäǥǥted sertifiâʹsttʼteʹmes, leâša kuuitâǥ mieʹrruum uuʹccmõskriteeʹrid tiuddeei aunnâz – tääʹrǩes kriteeʹrivuiʹm da nânnsânji valvvmõõžžâst.  Määŋg muõrâst šõddâm ouddaz õʹnne-i seʹst kooidaid määŋg jeeʹres kääivain. Näkkam seäǥǥtum materiaalin rajjum ouddaz lie mieʹrǩǩuum FSC Mix -miârkin. 

kaadettuja puita

Kontrollõsttum muõrr

Alggveärrkuällaz standardd âânn seʹst kõrr vuâkkõõzzid tõʹst, mäʹhtt da mõõn jiânnai seäǥǥtõõzz vuäitt tueʹjjeed. Tõt õõlǥat, što puk sertifiâʹsttʼteʹmes materiaal âlgg pueʹtted välvvum da sååʹvšum kääivain. Tän tuõđštem diõtt ââʹnet kontrollõsttum muõr standaard.

FSC-mieʹrǩǩuum ouddsid jeäʹt primmu muõr, kååʹtt lij:
•    lääʹjjteʹmeld čuõppum
•    puättam vuuʹdin, koin tueʹjjeed äʹrbbvuõđlaž vuõiggâdvuõđid leʹbe meerlažvuõiggâdvuõđid vuâstta
•    puättam mieʹccin, koin meäʹccâânnmõš äštt õll suõʹjjemäärvaid
•    puättam vuuʹdin, koin luâđmeäʹcc lij čuõppum muõrrplantaas leʹbe jeeʹres koʹrvveei mäddââʹnnemnääʹl ooudâst
•    geenmuttstõllum äʹrbb

FSC kõskkuum meerlaž riskkärvvtõõllmõõžž âlgg ââʹnned pukin põrggsin, kook haaʹlee håmmad kontrollõsttum muõrrtäʹvver Lääʹddjânnmest. Riskk ij-primmum materiaal âânnmõõžžâst âlgg jaukkeed leʹbe tõn âlgg vueʹleed dovoʹlna. 

Kontrollõsttum muõr standardd toiʹmmai še jiõččnaž, FSC-meäʹcchååid standaard ǩeäʹppsab meäʹcchååid standarddân. Mieʹcc vuäitt âʹte sertifiâʹstted kontrollõsttum muõr standaardin. Kontrollõsttum muõr kuõskki näggtõõzzid ij kuuitâǥ vuäǯǯ čuäʹjted markknâsttmõõžžâst õõʹnnʼjid, ij-ǥa ouddisd vuäitt mieʹrǩǩeed peäggtõõzz FSC-kontrollõsttum muõrâst. Kontrollõsttum muõrrtäʹvver kuõskki informaatio seʹrddai tåʹlǩ põrggsi kõskksaž saakkummšest što muõr alggveär vuäitt tuõttâd. Kontrollõsttum muõr ââʹnet tåʹlǩ vueʹssen FSC Mix –puuʹtʼtõõzz.