Vitt lääuʹǩ
1. Vääʹld õhttvuõđ sertifiâʹsttemorganisaatiooʹje
Vääʹld õhttvuõđ õʹhtte leʹba määŋgab sertifiâʹsttemorganisaatiooʹje leʹbe auditõʹsttja – organisaatio âlgg leeʹd primmum sertifiâʹstted FSC meâldlânji. Uuʹd takaiǩičldõk tuu põrggsest. Auditõʹstti taarbaš teâđ, što vuäitt raajjâd teäʹǧǧââʹnnemlaaskâlm da suåppmõšeʹtǩǩõõzz. Vuâllaǩeeʹrjat suåppmõõžž auditõʹsttjin.
2. Valmštââl sertifiâsttmõõžž
Ton õõlǥak tobdstõõttâd standaard oudldõõzzid. Teâđ alggveärrkuällaz sertifiâsttmõõžžâst kaaunak mij neʹttseeidain da alggveärrkuällaz standaardâst (eŋgglõsǩiõʹlle). Ton õõlǥak jeäʹrbi mieʹldd raajjâd vueʹjjid, koin nââneed, što standaard meärrõõzzid jääʹǩǩtet tuu põrggsest.
3. Auditâsttmõš
Ko puk lij puârast, sertifiâʹsttemorganisaatio taʹrǩǩad, teâudd-a põõrǥâs standaard meâldlaž õõlǥtõõzzid. Auditâsttmõõžžâst taʹrǩǩeet nuʹtt äʹššǩiiʹrjid ǥo še jiõǥǥ tåimmjummuž.
4. Raportâsttmõš
Auditõʹstti rääjj auditâsttmõõžžâst õõlmlaž rapoort. Raportt čuäʹjat, mäʹhtt auditõʹstti ärvvtââll põrggâz oodd jääʹǩǩted standaard. Jõs lie ääʹšš, koid põrggsest feʹrttai võl tueʹjjeed, taarblaž teevvmõõžžid vuäitt tueʹjjeed da raukkâd teʹl ođđ auditâsttmõõžž.
5. Sertifikatt
Ko auditõʹstti ǩeâčč, što tuu põõrǥâs teâudd standaard õudldõõzzid, tuu põrggsa miõđât FSC-sertifikaatt da vuäǯǯak vuõiggâdvuõđ äuʹǩǩeed FSC logo ouddmiârkkân põrggâz kaaupšummšest, markknâsttmõõžžâst di vaʹstteemvuõttsaakkummšest.
FSC-sertifikaatt lij viõǥǥâst vitt eeʹjj vuârast. Tän poodd tueʹjjeet taʹrǩǩummšid juõʹǩǩ eeʹjj. Täi rutiintaʹrǩǩummši õhttvuõđâst seuʹrrjet vueiʹtlvaž tåimmjummšest tueʹjjuum mušttʼtummšid da läittmõõžžid. Spesiaaltaʹrǩǩummšid vueiʹtet taarbšed, jõs sertifiõʹstti vuäǯǯ tuõttšõs mušttʼtummšid toʹst, što tuu jäärnaǩtåimmjummuž lij FSC meärrõõzzi vuâsttsaž. Auditõʹstti âânn huõl tõʹst, što leäk ääiʹj tääʹzzest FSC-standaardi peeiʹvtummšin.
FSC täʹvvermiârk toobdât pirr maaiʹlm, da tõt lij še õhtt jäänmõsân snäätnai vaʹstteemvuõttmiârkain. Sertifikaatt vuäʹmsteeʹjest lie määŋgpeällsa vueiʹttemvuõđ äuʹǩǩeed täʹvvermiârk. Looǥǥ lââʹzz täʹvvermiârk âânnmõõžžâst tääiʹben.